Marine & Fisheries 1bf10570-d278-11ef-9102-76f65412bdd5 1bf10570-d278-11ef-9102-76f65412bdd5 Ardaloedd Adnoddau Strategol ar gyfer Ynni Ffrwd Lanw 2025-01-14 2025-01-14 Mae’r haen hon yn dangos Ardaloedd Adnoddau Strategol ar gyfer Ynni Ffrwd Lanw. Mae polisi diogelu adnoddau Cynllun Morol Cenedlaethol Cymru yn cael ei gymhwyso i Ardaloedd Adnoddau Strategol. Nod hyn yw sicrhau nad yw datblygiad newydd gan sectorau eraill yn rhwystro'r potensial – mewn ffordd amhriodol a heb ystyriaeth ofalus – i'r sector ynni ffrwd lanw gyflwyno ceisiadau yn y dyfodol am ganiatâd i leoli gweithgarwch yn yr ardaloedd hyn. Nid yw nodi Ardaloedd Adnoddau Strategol yn golygu y byddai datblygiad yn yr ardaloedd hyn yn cael ei gefnogi. Bydd angen o hyd i bob datblygwr wneud cais am ganiatâd perthnasol a chydymffurfio â rheoliadau amgylcheddol yn y ffordd arferol. Mae’r haen hon yn deillio o'r Ardal Adnoddau Ynni Ffrwd Lanw, yn dilyn gwaith a wnaed gan ABPmer i fireinio’r Ardal Adnoddau Ynni Ffrwd Lanw er mwyn adlewyrchu cyfyngiadau technegol (e.e. dyfnder dwr) a chyfyngiadau caled (ffactorau neu weithgareddau, fel y seilwaith presennol, a fyddai'n atal yn realistig ddatblygiad). Mae ABPmer hefyd wedi cael gwared ar unrhyw ardaloedd mân tameidiog sy’n llai na 2km2. Mae Llywodraeth Cymru wedyn wedi gwneud rhagor o welliannau i'r ardal: i eithrio ardaloedd y tu allan i’r Terfyn Tiriogaethol o 12 milltir forol, neu o fewn 500m i’r marc penllanw cymedrig; ac i symleiddio ffiniau'r ardal. Canlyniad hyn yw pedair Ardal Adnoddau Strategol: Ynys Môn, Pen Llyn, Sir Benfro, a De Cymru. 51.24886051919719 -5.654868414528674 53.48822359913078 -3.347817654579039