GeoNodeFeatureCatalogue
Generic Feature Catalogue
Generic Feature Catalogue
1.0
2016-01-11
DataMapWales
pointOfContact
geonode:phase1_upland_boundary
<p>Mae’r ffin ddigidol hon yn diffinio’r terfyn uchaf ar gyfer tir caeedig sy’n gwahanu cynefinoedd yr ucheldir a’r iseldir, a chafodd ei mabwysiadu yn ystod cam un yr arolwg a’r arolwg o lystyfiant yr ucheldir yng Nghymru a gynhaliwyd gan Uned Faes Cymru. Cynhaliwyd yr arolygon maes gwreiddiol rhwng 1979 a 1999 fel rhan o brosiect arolygu cynefinoedd cenedlaethol yr oedd ei angen er mwyn gweithredu mesurau cadwraeth ar lefel leol. Cafodd y ffin ei dilysu a’i digideiddio yn 2000. Gellir gweld bod y terfyn uchderol is ar gyfer llystyfiant yr ucheldir yn amrywio’n sylweddol ar draws Cymru. Mae llinell y ffin hon yn adlewyrchu’r ffactorau amgylcheddol lleol sy’n dylanwadu ar y math o lystyfiant.</p>
<p><em>Hanes</em>: Parodd yr arolwg maes o 1979 tan 1999. Gwnaeth timau o arolygwyr a oedd wedi’u cydlynu’n agos gofnodi cynefinoedd yn y maes ar fapiau â graddfa 1:10,000 (ar adegau prin defnyddiwyd graddfa 1:25,000 yn ystod cam arolygu’r ucheldir). Mae’r lleiniau cynefin lleiaf a gofnodwyd yn mesur 0.1 – 0.25 hectar yn bennaf, er y cafodd ardaloedd llai eu mapio yn yr iseldir. Nodir rhagor o fanylion am y dulliau arolygu a ddefnyddiwyd yn ystod cam arolygu cychwynnol yr ucheldir mewn adroddiad gan Uned Faes Cymru (Day, A. (1989), <em>Upland Vegetation Survey 1979-1989 Background Methodology and Summary of Data Collected</em>. Y Cyngor Cadwraeth Natur, Bangor). Roedd y dulliau a ddefnyddiwyd ar gyfer yr arolwg o’r iseldir yn dilyn y llawlyfr ar gyfer cam un o’r arolwg cynefinoedd, gydag ychydig o fân addasiadau a fabwysiadwyd ar gyfer eu defnyddio yng Nghymru (Howe E.A. a Blackstock T.H. (1991), <em>Supplementary Notes for Phase I Survey in Wales</em>, Cyngor Cefn Gwlad Cymru, Bangor). Cafodd yr holl waith mapio yn y maes ei wneud gan dimau o arolygwyr hyfforddedig a oedd wedi’u cydlynu’n agos. Cynhaliwyd dwy astudiaeth o ddibynadwyedd y gwaith arolygu yn ystod cam arolygu’r iseldir (Kerry, Rimes, Smith, Williams (1994), <em>An Assessment of Errors in Phase I Habitat Survey in Wales</em>. Cyngor Cefn Gwlad Cymru, Bangor. Rhif Adroddiad 94/4/1), (Stevens, Blackstock, Howe, Stevens (2004), <em>Repeatability of Phase 1 habitat survey</em>. <em>The Journal of Environmental. Management</em> t. 73, tt. 53-59). Cynhaliwyd cyfres o brofion ar y data electronig er mwyn gwirio’u cywirdeb – gan y contractiwr ac, yn ddiweddarach, o fewn Cyfoeth Naturiol Cymru (Cyngor Cefn Gwlad Cymru).</p>
<p><strong>Datganiad priodoli</strong></p>
<p>Yn cynnwys gwybodaeth Cyfoeth Naturiol Cymru © Cyfoeth Naturiol Cymru a Hawl Cronfa Ddata. Cedwir pob hawl. Yn cynnwys data Arolwg Ordnans. Rhif Trwydded Arolwg Ordnans AC0000849444. Hawlfraint y Goron a Hawl Cronfa Ddata.</p>
<p><span style="text-decoration: underline;"><strong>Y cyd-destun ar gyfer Map Cyfle Coetir (MCC) 2021</strong></span></p>
<p>Mae’r set ddata hon yn dangos y ffin rhwng ucheldir ac iseldir Cymru a fabwysiadwyd yn ystod cam un yr arolwg a’r arolwg o lystyfiant yr ucheldir yng Nghymru a gynhaliwyd gan Uned Faes Cymru. Mae’r haen hon wedi cael ei chreu o’r un data a welir mewn mannau eraill o MCC21 yn y set ddata “Cynefin â Blaenoriaeth – Sensitifrwydd Uchel” a’r set ddata “Cynefin Mosaigau â Blaenoriaeth – Angen Archwiliad”.</p>
<p>Yn hanesyddol, at ddibenion coetiroedd, pennwyd mai ar uchder o 300 metr uwchlaw lefel y môr y mae’r ffin rhwng yr ucheldir a’r iseldir. Fodd bynnag, mae’r terfyn uchaf ar gyfer tir caeedig, sy’n deillio o’r arolygon maes, yn ei gwneud yn bosibl i ffin yr ucheldir ddilyn amodau amgylcheddol lleol nad ydynt yn aml yn dilyn cyfuchlin uchderol penodol.</p>
<p>Mae canllawiau rheoli adnoddau naturiol yn gynaliadwy yn nodi bod cynefinoedd penodol (glaswelltir asid, glaswelltir corsiog) yn dod o dan adran 7, ac felly maent yn warchodedig ar iseldir ond nid felly ar ucheldir. O ganlyniad, mae llinell y ffin hon yn darparu cyd-destun ar gyfer pob cynllun plannu coed arfaethedig. Mae cynlluniau sy’n cynnig plannu ar ardaloedd a ddynodwyd yn “Gynefin â Blaenoriaeth – Sensitifrwydd Uchel” yn annhebygol o gael eu dilysu; dylid eithrio’r ardaloedd hyn rhag cynigion plannu. Fodd bynnag, os oes gennych sail resymol dros gredu bod y tir wedi cael ei gofnodi’n anghywir, gallwch gyflwyno tystiolaeth ffotograffig a gofyn am adolygiad gan ddefnyddio nodyn canllaw GN009.</p>
<p>Mae’r haen ddata ar gyfer “Cynefin Mosaigau â Blaenoriaeth – Angen Archwiliad” yn dangos lle credir bod llecynnau o laswelltir asid yr ucheldir a/neu laswelltir corsiog yr ucheldir yn bresennol mewn mosaig â chynefinoedd â blaenoriaeth adran 7. Lle mae’r ardaloedd hyn o laswelltir asid / glaswelltir corsiog yr ucheldir yn fawr mae ganddynt y potensial i gael eu plannu yn unol â chanllawiau rheoli adnoddau naturiol yn gynaliadwy ar gyfer Creu Coetir – ar yr amod y cytunir ar hyn â CNC ymhell ymlaen llaw cyn dilysu.</p>
<p>Mae’n bwysig rhoi sylw i sensitifeddau eraill hefyd, e.e. rhywogaethau â blaenoriaeth, mawn dwfn a dynodiadau tirwedd wrth ddatblygu cynigion plannu coed, a’ch bod yn ceisio arweiniad perthnasol. Gellir dod o hyd i ragor o ganllawiau ar sensitifeddau eraill yn ffolder ‘Sensitifeddau’ MCC21 a hefyd yn nodyn canllaw GN002.</p>
false
Terfyn uchaf tir caeedig
the_geom
1
1
gml:MultiPolygonPropertyType
objectid
1
1
xsd:long
unique_id
1
1
xsd:string
type
1
1
xsd:string
shape_leng
1
1
xsd:double
shape_area
1
1
xsd:double