Dyma’ch Cyfle i Leisio’ch Barn: Helpwch i Lunio Rhwydwaith Teithio Llesol Sir Benfro

Mae Cyngor Sir Penfro yn diweddaru ei fap rhwydwaith teithio llesol ac rydym am glywed gennych chi!

O dan Ddeddf Teithio Llesol (Cymru) 2013, rhaid i bob awdurdod lleol yng Nghymru adolygu a gwella eu llwybrau cerdded, teithio ar olwynion a beicio yn rheolaidd. Cafodd ein map presennol ei gymeradwyo gan Lywodraeth Cymru yn 2022, ac mae'n bryd nawr adlewyrchu'r newidiadau a'r gwelliannau a wnaed dros y tair blynedd diwethaf.

Beth sy'n cael ei ddiweddaru?

Bydd y map wedi'i ddiweddaru’n cynnwys:

• Llwybrau presennol: Dyma lwybrau sy'n bodloni safonau Llywodraeth Cymru ar gyfer cerdded, symud ar olwynion a beicio, neu’r tair ohonynt.
• Llwybrau’r dyfodol: Llwybrau arfaethedig yw'r rhain nad ydynt yn bodoli eto neu sydd angen eu gwella i fodloni'r safonau gofynnol.

Rydym angen eich adborth

Dyma gam cyntaf ymgysylltu â’r cyhoedd, ac mae eich mewnbwn yn hanfodol. P'un a ydych chi'n cerdded, teithio ar olwynion, yn beicio, neu'n poeni am well opsiynau teithio yn Sir Benfro, rydyn ni eisiau eich syniadau ar sut i wella'r rhwydwaith. .

Yn barod i gymryd rhan?

Dechreuwch drwy chwyddo’r map i ddod o hyd i'r llwybr rydych chi am wneud sylwadau arno.

Sylwer: Efallai y bydd y map yn cymryd ychydig eiliadau i lwytho.