Mapiau Peryglon Llifogydd Cenedlaethol

Mae'r Mapiau Peryglon Llifogydd a Risg Cenedlaethol yn seiliedig ar fodelu cyffredinol yn unig. Cyhoeddwyd y mapiau i gydymffurfio â Rheoliadau Perygl Llifogydd (2009) a Chyfarwyddeb yr UE (2007/60/EC) a chawsant eu defnyddio i gyfarwyddo’r gwaith o greu cynlluniau Rheoli Perygl Llifogydd ledled Cymru. Nid oes gan y mapiau hyn unrhyw statws swyddogol at ddibenion cynllunio neu yswiriant, felly cynghorir y cyhoedd a gweithwyr proffesiynol i ddefnyddio'r wybodaeth sydd i’w chael yn Map Asesu Perygl Llifogydd Cymru, y Map Cyngor Datblygu/Map Llifogydd ar gyfer Cynllunio (fel y bo'n briodol) at y dibenion hyn gan y bydd y rhain yn fwy diweddar ac yn cynnwys gwybodaeth fodelu well.

Mae'r Mapiau Peryglon Llifogydd Cenedlaethol wedi cael eu creu ar gyfer tair ffynhonnell o lifogydd, sef:

1. Llifogydd o afonydd
2. Llifogydd o'r môr
3. Llifogydd o ddŵr wyneb a chyrsiau dŵr bychain

Mae'r mapiau'n dangos dyfnder y llifogydd, cyflymder (cyflymder a chyfeiriad), peryglon ac ehangder ar gyfer sefyllfaoedd perygl uchel, canolig ac isel heb amddiffynfeydd rhag llifogydd uwch.

Ar gyfer afonydd a dŵr wyneb a chyrsiau dŵr bychain, risg uchel yw Tebygolrwydd Gormodiant Blynyddol (AEP) o hyd at 1 mewn 30 o flynyddoedd, risg ganolig yw AEP o rhwng 1 a 30 ac 1 mewn 100 o flynyddoedd, a risg isel yw AEP o rhwng 1 mewn 100 o flynyddoedd ac 1 mewn 1,000 o flynyddoedd.

Ar gyfer y môr, risg uchel yw AEP o hyd at 1 mewn 30 o flynyddoedd, risg ganolig yw AEP o rhwng 1 mewn 30 ac 1 mewn 200 o flynyddoedd, a risg isel yw AEP o rhwng 1 mewn 200 o flynyddoedd ac 1 mewn 1,000 o flynyddoedd.

Mae'r set ddata Llifogydd o Ddŵr Wyneb a Chyrsiau Dŵr Bychain wedi disodli set ddata gynharach, y Map Llifogydd Diweddaredig ar gyfer Dŵr Wyneb (2013), yn uniongyrchol ac mae'n seiliedig ar fodelu dalgylchoedd dŵr wyneb.

Mae manylion y gwaith modelu i lunio’r Mapiau Peryglon Llifogydd Cenedlaethol newydd ar gael yn y taflenni gwybodaeth ategol.

Cydnabyddiaethau

Yn cynnwys gwybodaeth Cyfoeth Naturiol Cymru gwybodaeth © Cyfoeth Naturiol Cymru a hawl cronfa ddata. Cedwir pob hawl. Mae rhai nodweddion o'r wybodaeth hon yn seiliedig ar ddata gofodol digidol wedi'i drwyddedu gan Ganolfan Ecoleg a Hydroleg y DU © UKCEH, Asiantaeth yr Amgylchedd © EA a Getmapping Plc a Bluesky International Limited [2015]. DEFRA, y Swyddfa Dywydd ac Asiantaeth Afonydd yr Adran Amaethyddiaeth a Datblygu Gwledig © Hawlfraint y Goron. © Prifysgol Cranfield. © Sefydliad James Hutton. Yn cynnwys data'r AO © Hawlfraint y Goron a hawl cronfa ddata. Gwasanaethau Tir ac Eiddo © Hawlfraint y Goron a hawl cronfa ddata.