Manylion y metadata: Archif Ansawdd Dŵr CNC

Teitl

Archif Ansawdd Dŵr CNC

Crynodeb

Mae archif ansawdd dŵr CNC yn cadw data o samplau a gasglwyd ledled Cymru, gan gynnwys data arfordirol, data o aberoedd, afonydd, llynnoedd, pyllau a chamlesi, gollyngiadau carthffosiaeth a masnachol, mannau archwilio llygredd, a safleoedd gwastraff.

Cymerir mesuriadau maes yn y man a'r lle yn yr orsaf samplu, ond dadansoddir y rhan fwyaf o baramedrau mewn labordai i fesur agweddau ar ansawdd dŵr. Unwaith y bydd samplau wedi'u dadansoddi, rhaid i'r canlyniadau gael eu prosesu a'u gwirio cyn eu hychwanegu at yr archif ansawdd dŵr. Felly, mae oedi rhwng cymryd samplau a sicrhau bod y data ar gael. Gall data hefyd newid ar ôl ei gyhoeddi, ond bydd yr archif yn cael ei ddiweddaru bob mis i gynnwys cywiriadau.

Mae archif ansawdd dŵr CNC yn set ddata fawr sy’n cynnwys rhywfaint o ddata a allai fod yn sensitif ac felly mae rhywfaint o wybodaeth wedi’i golygu. Mae'r prif faterion sensitif yn ymwneud â dŵr daear, cyflenwadau dŵr yfed, data trydydd parti a samplau ymchwilio.

Mae'r haen GIS yn dangos lleoliadau'r safleoedd, y blynyddoedd y cawsant eu samplu a Dalgylch Rheoli y Gyfarwyddeb Fframwaith Dŵr y maent wedi'u lleoli ynddo. Gellir defnyddio hyn i helpu i nodi'r ffeiliau blwyddyn sy'n cynnwys y data sydd ei angen arnoch o'r ddolen isod.

Dolen i lawrlwytho data ansawdd dŵr

Y data diweddaraf sydd ar gael

Mae CNC yn dal data sy’n mynd yn ôl i 1962 ond mae’r cynnyrch data agored yn cynnwys data o 2000 ymlaen. Ni fydd unrhyw samplau’n cael eu cynnwys ar ôl y dyddiad y cynhaliwyd yr adolygiad ansawdd data diwethaf, sydd fel arfer o fewn mis neu ddau o’r dyddiad cyfredol, er y gallai niferoedd a llwyth gwaith effeithio ar hyn.

I gael gwybod pryd y cafodd y ffeiliau unigol eu diweddaru ddiwethaf, gweler y daenlen ganlynol.

Rhybudd am yr wybodaeth

Cyffredinol: Mae’n bosibl y bydd data’n cael ei newid ar ôl ei gyhoeddi, gyda’r archif yn cael ei ddiweddaru bob mis i gynnwys cywiriadau. Gall hyn gynnwys tynnu sylw at ganlyniadau nas nodwyd yn flaenorol, fel rhai sy'n gwyro neu'n dileu canlyniadau y nodwyd eu bod yn annilys.

Samplau sy’n gwyro: Mae’n ofynnol i Wasanaethau Dadansoddol Cyfoeth Naturiol Cymru fod â pholisïau a gweithdrefnau ar waith o dan safon achredu ISO/IEC 17025 er mwyn sicrhau bod cywirdeb y canlyniadau a adroddir yn cael ei gynnal. Disgrifir unrhyw sampl nad yw'n bodloni'r meini prawf a osodwyd ar ôl ei derbyn neu yn dilyn dadansoddiad fel un sy'n gwyro. Rydym wedi amlygu'r darlleniadau data nad ydynt yn bodloni'r gofynion hyn yn y briodwedd “deviating_result”. Gall canlyniadau sy’n gwyro gael eu heffeithio gan ogwydd a/neu anfanyldeb o faint anhysbys. Felly dylid bod yn ofalus wrth ddehongli'r canlyniadau hyn a chynghorir yn erbyn eu defnyddio mewn dadansoddiad ystadegol.

Cymorth ychwanegol

Am gymorth ychwanegol, gweler ein cwestiynau cyffredin yma.

Datganiad priodoli

Yn cynnwys gwybodaeth Cyfoeth Naturiol Cymru © Cyfoeth Naturiol Cymru a hawl cronfa ddata. Cedwir pob hawl. Yn cynnwys data’r Arolwg Ordnans. Rhif trwydded yr Arolwg Ordnans AC0000849444. Hawlfraint y Goron a hawl cronfa ddata.

Trwydded

Trwydded Llywodraeth Agored ar gyfer gwybodaeth y sector cyhoeddus (OGL)

Darllenwch fwy am y drwydded hon

Hawlfraint:

Dim

Dyddiad cyhoeddi

06 Ebrill 2025

Math

Data gofodol

Categori:

Amgylchedd

Adnoddau amgylcheddol, diogelu a chadwraeth. Enghreifftiau: llygredd amgylcheddol, storio a thrin gwastraff, asesu effaith amgylcheddol, monitro risg amgylcheddol, gwarchodfeydd natur, tirwedd

Chwiliwch am fwy o ddata yn y categori hwn.

Rhanbarthau

Global

Wedi'i gymeradwyo

Ydy

Cyhoeddwyd

Ydy

Wedi'i gynnwys

Nac ydy

Grŵp

Cyfoeth Naturiol Cymru

Maint gofodol