Blaenoriaethu yn ôl Canran arwynebedd o NFM posibl

Blaenoriaethu yn ôl Canran arwynebedd o NFM posibl

Mae'r setiau data hyn yn cyflwyno dull o flaenoriaethu Rheoli Llifogydd yn Naturiol (NFM) yng Nghymru. Datblygwyd y dull hwn fel rhan o adolygiad o NFM yng Nghymru. Mae rhagor o fanylion am yr adolygiad hwn a sut y crëwyd y map hwn ar gael yma.

Datblygwyd y map hwn i roi trosolwg strategol o'r ardaloedd sy'n fwy addas ar gyfer NFM. Mae dalgylchoedd wedi'u nodi i fyny'r afon o gymunedau sydd mewn perygl o lifogydd ac wedi eu hasesu yn dibynnu ar y ganran o’r arwynebedd sydd â photensial NFM. Caiff mwy o botensial ar gyfer NFM ei asesu fel blaenoriaeth uwch yn seiliedig ar y mwy o botensial o leihau perygl llifogydd.

Crëwyd pedair set ddata wahanol i dargedu dwy raddfa dalgylch wahanol, dalgylchoedd perygl llifogydd dŵr wyneb bach a dalgylchoedd perygl llifogydd afonol mwy ac i adlewyrchu amcanion sy’n flaenoriaeth i ddefnyddwyr gwahanol, rheoli perygl llifogydd a manteision amgylcheddol ehangach. Mae'r rhain yn cynnwys:

Blaenoriaethu NFM ar gyfer Dalgylchoedd Perygl Llifogydd Mwy
Blaenoriaethu NFM ar gyfer Dalgylchoedd Perygl Llifogydd Bach
Blaenoriaethu NFM ar gyfer Dalgylchoedd Perygl Llifogydd Mwy gyda phwysoli ar gyfer darpariaethau gwasanaethau ecosystem
Blaenoriaethu NFM ar gyfer Dalgylchoedd Perygl Llifogydd Bach gyda phwysoli ar gyfer darpariaethau gwasanaethau ecosystem

Cyfeiriwch at bob un o'r haenau metadata i ddeall mwy trwy ddewis haen isod.