Cymru: Buddsoddiad Cyfalaf mewn Cynlluniau Rheoli Perygl Llifogydd ac Erydu Arfordirol 2024-25

Ym mis Mawrth 2024, cytunodd y Gweinidog Newid Hinsawdd ar y cynlluniau a fyddai’n cael eu cynnwys yn y Rhaglen Rheoli Perygl Llifogydd ac Erydu Arfordirol ar gyfer 2024-25. Nod y cynlluniau hyn, sy’n cael eu harwain gan yr Awdurdodau Lleol a Cyfoeth Naturiol Cymru, yw lleihau perygl llifogydd a/neu erydu arfordirol i gartrefi ledled Cymru.

Mae’r map hwn yn dangos yn fras lleoliadau’r cynlluniau y dyrannwyd cyllid ar eu cyfer ar gyfer blwyddyn ariannol 2024-25.

Ansawdd data

Darparwyd yr wybodaeth ar y map hwn gan yr Awdurdodau Lleol a CNC a nhw sy’n  gyfrifol am ymgymryd â’r cynlluniau hyn.

Mae'r data a ddangosir yn y map hwn yn gywir ar 12 Mawrth 2024 a gallai fod wedi newid ar ôl y dyddiad hwn.

Er bod y cyllid hwn wedi cael ei ddyrannu ar gyfer y cynlluniau hyn, mater i’r Awdurdod Rheoli Risg Priodol (yr Awdurdodau Lleol a Cyfoeth Naturiol Cymru) yw bwrw ymlaen ac ymgymryd â’r cynlluniau hyn.  

Mae cyllid i fwrw ymlaen â’r gwaith adeiladu yn amodol ar gwblhau a chytuno ar achos busnes priodol ac ar gael y caniatâd a’r cysyniadau perthnasol. 

Mae costau’n dal i fod yn amcangyfrifon nes i’r gwaith gael ei roi ar dendr.

Isafswm graddfa wedi'i gosod fel 1:100,000 mewn map. Mae hyn oherwydd gwybodaeth lleoliad fras a roddwyd gan yr Awdurdodau Rheoli Risg.

---

Rhaglen Sbarduno ar gyfer Rheoli Llifogydd yn Naturiol

Fydd y "Rhaglen Sbarduno ar gyfer Rheoli Llifogydd yn Naturiol" yn dilyn ymrwymiad yn y Rhaglen Lywodraethu i ddarparu atebion sy'n seiliedig ar natur ar gyfer rheoli llifogydd yn nalgylchoedd ein holl afonydd mawr.

Bydd y rhaglen ddwy flynedd yn helpu'r Awdurdodau Rheoli Risg i gydweithio gyda ffermwyr, perchnogion tir a mudiadau'r trydydd sector yng Nghymru i gynnal atebion sy'n defnyddio grym natur i leihau llifogydd.

Mae'r data a ddangosir yn y map hwn yn gywir ar 25 Hydref 2023 a gallai fod wedi ei newid ar ôl y dyddiad hwn.