WOM21 Llygredd Dŵr Gwasgaredig

Mewngofnodi

Mae’r haen hon yn dangos effeithiau llygredd ar ansawdd dŵr o fewn is-ddalgylchoedd y Gyfarwyddeb Fframwaith Dŵr – gyda sylw arbennig i Ffosffad (P), Nitrogen (N) a gwaddodion. Mae’n seiliedig ar lwytho wedi'i fodelu (amaethyddol ac anamaethyddol) a dŵr ffo wedi'i gyfuno ag ansawdd y dŵr o ran P (monitro statws P y Gyfarwyddeb) a chrynodiadau N yn y dŵr wedi'u modelu (gan ystyried y trothwy dŵr yfed diogel). Noder bod targedau statws P gwahanol ar gyfer pob corff dŵr, yn ôl ei alcalinedd a’i uchder. Rydym yn eu cyfuno i ddangos o ba is-ddalgylchoedd y mae llygredd yn debygol o lifo ohonynt, ar sail modelau rheoli tir a pha is-ddalgylchoedd allai fod â phroblemau ansawdd dŵr. Gallai plannu coed yn yr ardaloedd hyn atal neu sianelu’r dŵr ffo sy’n effeithio ar ansawdd y dŵr. Mae'r haen hon yn dangos ardaloedd sydd â'r potensial mwyaf ar gyfer lliniaru llygredd dŵr gwasgaredig. Plannu coed yn yr is-ddalgylchoedd sydd â'r sgoriau uchaf fydd â'r potensial mwyaf ar gyfer atal llygredd dŵr gwasgaredig. Mae'r sgoriau'n amrywio o 0 (dim manteision i greu coetir wedi’u nodi) i 5 (manteision lluosog i greu coetir wedi’u nodi).