WOM21 Ffyngau Glaswelltir

English

Mewngofnodi

Mae cymunedau ffyngau glaswelltir a rhai rhywogaethau unigol ar restr Adran 7 Deddf yr Amgylchedd (Cymru) 2016 ac felly mae angen eu diogelu. Maent yn anodd eu harolygu gan mai dim ond am tua mis o'r flwyddyn y mae'r ffrwythgyrff i'w weld felly bydd unrhyw un sy'n asesu a yw safle'n addas ar gyfer plannu coed arno'n debygol o'u methu. Byddai plannu coed ar dir sy'n cynnal ffyngau glaswelltir yn dinistrio'r ffyngau hynny gan fod angen glaswelltir di-gysgod wedi'i bori'n glos ar ffyngau i oroesi. Mae'r set ddata hon yn dangos lleoliad hysbys rhywogaethau ffyngau 'nodedig' mewn perthynas â ffiniau'r cae glaswelltir lled-naturiol cyfatebol. Lle nad oes glaswelltir lled-naturiol yn bresennol yn y lleoliad, defnyddir clustogfa 250m o amgylch y lleoliad arolygu. Mae rhywogaethau ffwng 'nodedig' yn cynnwys (a) rhywogaethau'r Rhestr Goch (mewn Perygl Difrifol, mewn Perygl, Bregus neu dan Rywfaint o Fygythiad) a/neu rywogaethau Adran 7; (b) cyfanswm o 10 neu fwy o rywogaethau ffwng glaswelltir unigol. Mae'r ddau mewn rhai ardaloedd. Lle mae lleoliad yr arolwg yn croesi ffiniau caeau lled-naturiol sy'n fwy na 1000m, defnyddir clustogfa o 1km i gyfyngu ar faint y safle arolygu. Gweler GN002 am ragor o ganllawiau.