WOM21 Safle o Ddiddordeb Gwyddonol Arbennig (SoDdGA) a Ardaloedd Cadwraeth Arbennig (ACA)

Mewngofnodi

Mae Safle o Ddiddordeb Gwyddonol Arbennig (SoDdGA neu SSSI) yn ardal sydd wedi'i dewis ar sail meini prawf gwyddonol ac sy’n cael ei gwarchod o dan Ddeddf Bywyd Gwyllt a Chefn Gwlad 1981 oherwydd bod ynddi fywyd gwyllt neu nodweddion daearegol sydd o bwysigrwydd cenedlaethol yng nghyd-destun gwarchod natur. Cafodd Ardaloedd Cadwraeth Arbennig (ACA neu SACs) eu dynodi o dan Gyfarwyddeb Cynefinoedd a Rhywogaethau y CE a ddaeth i rym ym 1992. Mae pob ACA, ynghyd ag Ardaloedd Gwarchodaeth Arbennig (AGA neu SPAs) a ddynodwyd o dan Gyfarwyddeb Adar Gwyllt y CE er mwyn diogelu rhywogaethau adar prin a mudol, yn cynnwys rhwydwaith o safleoedd, sef y Rhwydwaith Safleoedd Cenedlaethol, sy'n cynrychioli'r gorau o natur Cymru. Mae'r rhan fwyaf o’r safleoedd ACA ar y tir yng Nghymru hefyd wedi'u dynodi’n Safleoedd o Ddiddordeb Gwyddonol Arbennig. Mae'r haen hon hefyd yn cynnwys ardaloedd bach o goetir sy’n Ardaloedd Cadwraeth Arbennig (ACA) ond nad ydynt wedi’u dynodi’n SoDdGA. Er bod angen ymgynghori yn achos SoDdGA, mae yna enghreifftiau lle byddai plannu priodol yn fuddiol. Gweler GN002 am ragor o wybodaeth a manylion cyswllt.