Manylion y metadata: Coed y tu Allan i Goetiroedd

Teitl

Coed y tu Allan i Goetiroedd

Crynodeb

Yn set ddata Coed y tu Allan i Goetiroedd (CAG) ar gyfer Cymru mae nodweddion polygon sy’n cynrychioli’r gorchudd canopi coed sydd y tu allan i goetiroedd Rhestr y Goedwig Genedlaethol (RhGG). Mae gan y nodweddion a gynhwyswyd isafswm o frig canopi coed uwch na 3m ac arwynebedd o fwy na 5m2. Mae maint y canopi wedyn yn cael ei fesur i lawr i 1.3m uwchlaw’r ddaear. Fe all fod arwynebeddau o ganopi coed sy’n cydgyffwrdd mwy na 0.5 hectar o fewn y set ddata CAG hon os nad ydynt yn cwrdd â’r holl baramedrau ar gyfer eu cynnwys yn RhGG. Fodd bynnag, ar gyfer arwynebeddau o goetir mwy na 0.5 hectar, dylid defnyddio RhGG.

Cynhyrchwyd polygonau canopi o leiniau di-dor a echdynnwyd o Fodelau Uchder Canopi (MUC) a gafwyd o Arolwg LiDAR Cymru. Mae pob polygon yn cynnwys priodoleddau arwynebedd a weithiwyd allan, math dosbarthiad coetir, a metrigau uchder cysylltiedig. Mae polygonau canopi wedi eu his-rannu ymhellach i bolygonau dosbarth-uchder cysylltiedig. Crëwyd y data hyn gan ‘Dîm Synhwyro o Bell’ Forest Research, ym mis Chwefror 2026.

I nodi: I wella perfformiad lluniadu, dim ond pan fyddwch wedi chwyddo i 1:100,000 neu’n agosach y bydd y data’n weladwy.

Ceir dosbarthiadau o fathau o goetir trwy ddefnyddio algorithm gofodol seiliedig ar reolau, sydd yn gwerthuso’r canlynol:

Nifer brig coed unigol a ganfuwyd ym mholygon pob canopi;
Arwynebedd y polygon; a
Geometreg y polygon (e.e., ei grynrwydd).

Defnyddir y paramedrau hyn i neilltuo pob nodwedd i un o bedwar dosbarth o fath o goetir:

Coeden Unigol – Coed unigol, a ddangosir fel ardaloedd bach o ganopi, ar wahân, fel arfer gyda brig un goeden ynddynt.
Grwpiau o Goed – Clystyrau bach o goed yn tyfu’n agos at ei gilydd o fewn yr un llain canopi.
Coetir Bach – Ardaloedd mwy, di-dor o goed sy’n cwrdd ag isafswm maint neu nifer o goed.
Canopi Drosgrog (CD RhGG) – Ardaloedd o goed sy’n crogi dros goetir Rhestr y Goedwig Genedlaethol neu sydd nesaf atynt.

Dosbarthiadau Uchder

Mae polygonau canopi yn cael eu gosod fesul haen mewn dosbarthiadau uchder ar sail metrigau uchder canopi a gafwyd. Dyma’r biniau uchder a ddiffiniwyd:

Dosbarth 3: 1.3 m – <10 m
Dosbarth 10: 10 m – <15 m
Dosbarth 15: 15 m – <20 m
Dosbarth 20: 20 m – <30 m
Dosbarth 30: ≥30 m

Trwy ddefnyddio’r dosbarthiadau hyn, gellir dadansoddi strwythur y canopi a’i ddosbarthiad fertigol mewn modd strwythuredig.

Trwydded

Trwydded Llywodraeth Agored ar gyfer gwybodaeth y sector cyhoeddus (OGL)

Darllenwch fwy am y drwydded hon

Hawlfraint:

Dim

Dyddiad cyhoeddi

13 Mawrth 2026

Math

Data gofodol

Geiriau allweddol

TOW

Categori:

Amgylchedd

Adnoddau amgylcheddol, diogelu a chadwraeth. Enghreifftiau: llygredd amgylcheddol, storio a thrin gwastraff, asesu effaith amgylcheddol, monitro risg amgylcheddol, gwarchodfeydd natur, tirwedd

Chwiliwch am fwy o ddata yn y categori hwn.

Rhanbarthau

Global, Europe, United Kingdom

Wedi'i gymeradwyo

Ydy

Cyhoeddwyd

Ydy

Wedi'i gynnwys

Nac ydy

Grŵp

Land Nature Food

Maint gofodol

System daflunio

EPSG:27700

Estyniad x0

170175.0

Estyniad x1

355280.75

Estyniad y0

164634.84375

Estyniad y1

395015.0625

Rhifyn

1

Ansawdd y data

Crëwyd Model Uchder Canopi (MUC) trwy ddefnyddio Model Arwyneb Digidol (MAD) a Model Tir Digidol (MTD).

Yna masgiwyd y MUC, i greu Model Gwrthrych Llystyfiant (MGLl), trwy ddefnyddio sawl set ddata oedd ar gael i FR. Mae’r cam hwn yn tynnu nodweddion nad ydynt yn llystyfiant allan o’r ddelwedd.

Mae Coetiroedd presennol RhGG hefyd yn cael eu tynnu allan yn ystod y cam hwn.

Yna gwnaed darluniad o’r canopi, er mwyn creu’r polygonau Coed y tu allan i Goetiroedd. Holltwyd y canopi hwn wedyn yn finiau uchder a neilltuwyd priodweddau.

Prosesu Data a Nodiadau Ychwanegol

Gadawyd nodweddion canopi gydag arwynebedd o lai na 5 m² allan o’r set ddata.
Cymhwyswyd algorithm canfod brig coed i’r MUC, gydag isafswm trothwy uchder brig y goeden o 3 m. O’r herwydd, eithriwyd unrhyw bolygonau gydag uchafswm uchder canopi llai na 3 m o’r set ddata.
Defnyddiwyd map Rhestr y Goedwig Genedlaethol 2024 i dynnu ardaloedd o goetir RhGG o set ddata CAG.
Is-rannwyd polygonau coetiroedd bach ymhellach yn grwpiau o goed pan nodwyd hwy fel trefniadau tenau, llinellol, oedd yn rhoi darlun mwy manwl gywir o union strwythur y canopi.
Ni ddylid cynnwys arwynebeddau’r canopi drosgrog (CD RhGG) mewn ystadegau arferol am goedwigoedd, ond gellir eu cynnwys wrth ystyried cyfanswm arwynebedd canopi coed ledled Cymru.

Gwybodaeth ategol

Disgrifiad Enw Priodoli

Dynodwr coed y tu allan i goetiroedd (uned: D/G): Dynodwr unigryw ar gyfer pob polygon canopi CAG. Mae ôl-ddodiad yr ID yn cyfateb i enw teil y grid 1 km Prydeinig.

Arwynebedd coed y tu allan i goetiroedd (uned: m2): Arwynebedd polygon y canopi.

Math o_Goetir (uned: D/G): Dosbarthiad coetir: Coeden Unigol, Grŵp o Goed, Coetir Bach, neu CD RhGG.

Dosbarth_Uchder (uned: D/G): Bin dosbarth uchder.

Arwynebedd_Bin (uned: m2): Arwynebedd polygon dosbarth uchder.

Isafswm_Uchder (uned: m): Isafswm uchder o fewn y bin uchder.

Uchafswm_Uchder (uned: m): Uchafswm uchder o fewn y bin uchder.

Uchder_Cymedrig (uned: m): Uchder cymedrig o fewn y bin uchder.

Uchder_gwyriad_safonol (uned: m): Gwyriad safonol uchderau o fewn y bin uchder.

Dynodwr_amneidiol (uned: D/G): Dynodwr ar gyfer polygonau lluosog bin uchder o fewn polygon canopi.

Blwyddyn _Canfod goleuni ac anelu (LiDAR) (uned: D/G): Blwyddyn y cafwyd y LiDAR.

Dyddiad _Canfod goleuni ac anelu (LiDAR) (uned: D/G): Dyddiad y cafwyd y LiDAR.

Grid_Prydeinig (uned: D/G): Cyfeirnod Grid Prydeinig am y sgwâr 1 km y lleolir y polygon ynddo.