Map Cyfleoedd Coetir - Lliniaru Llifogydd

Mewngofnodi

Mae’r haen hon yn dangos lle gallai creu coetir liniaru llifogydd. Daw’r haen ddata hon o “Gweithio gyda Phrosesau Naturiol” (WWNP) – rhaglen ymchwil o dan arweiniad Asiantaeth yr Amgylchedd mewn cydweithrediad â Defra, Cyfoeth Naturiol Cymru (CNC) a Llywodraeth Cymru. Amcan y rhaglen yw diogelu, adfer ac efelychu swyddogaethau naturiol dalgylchoedd, gorlifdiroedd, afonydd a’r arfordir. Fel rhan o’r rhaglen, cynhyrchwyd set o fapiau sy’n dangos lle gallai prosesau naturiol gyfrannu at leihau’r perygl o lifogydd. Yng Nghymru, roedd y set yn cynnwys set ddata o goetir yn cynnwys: • Coetir ar orlifdir. • Coetir ar lan afonydd. • Coetir yn y dalgylch ehangach Mae’r data sydd wedi’i fodelu yn rhoi darlun syml o’r ardaloedd plannu targed ond heb ystyried nodweddion cymhleth y dalgylch. Gellir ei ddefnyddio i roi haen sgorio. Er y gallai gwahanol fathau o goetir gynnig hierarchaeth sgorio bosibl, byddai’n ddibynnol iawn ar nifer o feini prawf o ran y safle a’r cynnig unigol. Felly nid ydym wedi darparu hierarchaeth sgorio. Mae’r sgôr yn seiliedig ar a yw’r safle dan sylw mewn ardal liniaru neu beidio. Bydd tir â sgôr o 0 heb unrhyw botensial i liniaru llifogydd; bydd tir â sgôr o 5 â photensial da i liniaru llifogydd.