Manylion y metadata: Llongddrylliadau a Warchodir

Teitl

Llongddrylliadau a Warchodir

Crynodeb

1.1 Cefndir Dynodir ‘llongddrylliadau’ o dan Ddeddf Diogelu Llongddrylliadau 1973. Mae llongddrylliadau niferus yn y moroedd o amgylch Cymru. Er bod gwerth hanesyddol i bob un ohonynt, mae chwech yn cael eu diogelu'n gyfreithiol ar hyn o bryd. Gelwir y chwech hyn yn ‘llongddrylliadau dynodedig’ neu ‘longddrylliadau a warchodir’. ‘Llongddrylliad’ yw'r term a ddefnyddir i ddisgrifio rhywbeth sydd wedi cael ei golli ar y môr a gall hyn gynnwys rhywbeth a ddisgynnodd dros ochr llong, rhywbeth a daflwyd dros ochr y llong i'w hysgafnhau, neu'r llong ei hun. 1.2 Amlder Diweddaru Er bod y broses o ddynodi llongddrylliadau’n un barhaus, nid yw'r set ddata gyfredol wedi newid ers nifer o flynyddoedd. Fodd bynnag, er mwyn osgoi ailddefnyddio hen ddata, dylai defnyddwyr gael y fersiwn ddiweddaraf o Lle o dro i dro. 1.3 Darluniadau Nid yw siart sy'n dangos lleoliad Llongddrylliad a Warchodir yn rhan o'r cofnod swyddogol. Lluniwyd y darluniau GIS ar sail y wybodaeth leoliadol yn yr Offeryn Statudol a ddefnyddiwyd i ddynodi'r safle. 1.4 Defnyddio Data Nid oes unrhyw gyfyngiadau ar y data hwn. Gall derbynyddion ailddefnyddio, atgynhyrchu neu ledaenu'r data am ddim ar unrhyw ffurf neu mewn unrhyw gyfrwng ar yr amod eu bod yn gwneud hynny'n gywir gan gydnabod y ffynhonnell a'r hawlfraint fel y'u nodir (gweler isod), ac nad ydynt yn ei ddefnyddio mewn cyd-destun camarweiniol. Y derbynnydd sy'n gyfrifol am sicrhau bod y data’n addas i'r diben a fwriedir, nad yw lledaenu neu gyhoeddi'r data’n arwain at ddyblygu, a bod y data'n cael ei ddehongli'n deg. Dylid ceisio cyngor ar ddehongli lle y bo angen. Caiff y data ei wirio'n rheolaidd, ond os ydych yn dymuno trafod y set ddata, cysylltwch â'r Gwasanaeth Amgylchedd Hanesyddol (Cadw). Wrth ddefnyddio'r data uchod o dan y Drwydded Llywodraeth Agored, dylech gynnwys y datganiad priodoli canlynol:- Data GIS ar Asedau Hanesyddol Dynodedig, Gwasanaeth Amgylchedd Hanesyddol Cymru (Cadw), DYDDIAD [y dyddiad y cawsoch y data gan Cadw], wedi'i drwyddedu o dan y Drwydded Llywodraeth Agored <a href="http://www.nationalarchives.gov.uk/doc/open-government-licence-cymraeg/version/3/">http://www.nationalarchives.gov.uk/doc/open-government-licence-cymraeg/version/3/</a> 1.5 Gwybodaeth Arall Mae rhagor o wybodaeth am Longddrylliadau a Warchodir i'w chael ar wefan y Gwasanaeth Amgylchedd Hanesyddol (Cadw) drwy ddilyn y ddolen isod: - <a href="http://cadw.gov.wales/historicenvironment/protection/maritimewrecks/?lang=cy">http://cadw.llyw.cymru/</a><a href="https://cadw.llyw.cymru/cyngor-a-chymorth/asedau-hanesyddol/ardaloedd-cadwraeth/asedau-hanesyddol-eraill/archeoleg#section-rheoli-amgylchedd-hanesyddol-morol-cymru">Archeoleg arfordirol a morwrol | Cadw (llyw.cymru)</a> Mae'r disgrifiad o'r Dynodiad ar gael ar-lein yn Cof Cymru Asedau Hanesyddol Cenedlaethol Cymru drwy ddilyn y ddolen isod: - <a href="https://cadw.llyw.cymru/cyngor-a-chymorth/cof-cymru/chwilio-cofnodion-cadw">Chwilio cofnodion Cadw | Cadw (llyw.cymru)</a> Cyngor Cyffredinol Mae nodiadau canllaw i bobl sy'n darganfod llongddrylliadau hanesyddol ac i ddeifwyr hamdden ar gael gan Cadw. Mae angen trwyddedau gan Ysgrifennydd Gwladol Cymru i fonitro, arolygu neu gloddio llongddrylliadau hanesyddol dynodedig.

Trwydded

Trwydded Llywodraeth Agored ar gyfer gwybodaeth y sector cyhoeddus (OGL)

Darllenwch fwy am y drwydded hon

Hawlfraint:

Dim

Creation Date

11 Gorffenaf 2017

Math

Data gofodol

Geiriau allweddol

Cadw_DesignatedWrecks, features

Categori:

Amgylchedd

Adnoddau amgylcheddol, diogelu a chadwraeth. Enghreifftiau: llygredd amgylcheddol, storio a thrin gwastraff, asesu effaith amgylcheddol, monitro risg amgylcheddol, gwarchodfeydd natur, tirwedd

Chwiliwch am fwy o ddata yn y categori hwn.

Rhanbarthau

Global

Wedi'i gymeradwyo

Ydy

Cyhoeddwyd

Ydy

Wedi'i gynnwys

Nac ydy

Maint gofodol

System daflunio

EPSG:27700