Cyfyngiadau Ynni Amrediad Llanw
Llywodraeth Cymru
Mae'r haenau hyn yn cynrychioli cyfyngiadau caled ar ddatblygu'r adnodd ynni amrediad llanw o fewn ardal Cynllun Morol Cenedlaethol Cymru, a chyfyngiadau meddal a allai arwain at oblygiadau i unrhyw ddatblygiad o'r adnodd yn y dyfodol.
Mae cyfyngiad caled yn cyfeirio at ystyriaeth ofodol (fel gweithgareddau neu seilwaith presennol) sy'n atal datblygiad newydd i sector penodol i bob pwrpas. Defnyddiwyd yr haenau cyfyngiadau caled hyn fel rhan o'r gwaith i fireinio Ardaloedd Adnoddau, fel bod unrhyw ardaloedd a gwmpesir gan gyfyngiadau caled yn cael eu heithrio o Ardaloedd Adnoddau wedi’i Mireinio.
Mae cyfyngiad meddal yn ystyriaeth ofodol sy’n ymwneud â sector penodol ac a allai fod yn berthnasol i brosiect penodol. Byddai arwyddocâd a goblygiadau perthynol cyfyngiad meddal neu gyfres o gyfyngiadau meddal yn dibynnu ar natur y prosiect sydd dan ystyriaeth.
Roedd y gwaith mapio cyfyngiadau meddal a wnaed ar gyfer nodi Ardaloedd Adnoddau wedi’u mireinio yn cynnwys grwpio’r cyfyngiadau meddal i bedwar categori:
- Risg isel iawn o wrthdaro a/neu botensial da iawn ar gyfer cydfodoli.
- Risg isel o wrthdaro a/neu botensial da ar gyfer cydfodoli.
- Risg ganolig o wrthdaro a/neu botensial isel ar gyfer cydfodoli.
- Risg uchel o wrthdaro a/neu ychydig iawn o botensial ar gyfer cydfodoli.
Defnyddiwch y data hyn mewn cymhwysiad arall
Darllenwch y drwydded i ddeall amodau defnyddio'r data.